Compostella is eyn klyn schoyne lustich steetgen (...). Hie inne lijcht eyn schone groisse kirche. Uff dem hoigen altaer steyt eyn groiss hultzer heylich, in ere sent Jakobs gemaicht, vffhauende eyn syluer kroin, dae die pylgrym hinder deme altaer vff stijgen ind settzen die kroin vff yere heufter, dae mit die inwoner vns duytscher spotten. Item man wilt sagen dat der lijchnam sent Jakobs des meirrer apostel sulde sijn ader lijgen in deme hoigen altaer. Etzliche sagen waerafftich neyn, as er lijcht zo Tolosa in Langedock. Soe wer nyet gentzlich geleufft, dat der heylige corper sent Jakobs des meirre apostel in deme hoigen altaer leege ind antzwyuelt ind dat corper dan sien wurde, van stunt an moiste er vnsynnich werden wie eyn raesent hunt.